Cardiff MS. 1.363 (Hafod 2) – page 11r
Brut y Brenhinoedd
11r
kyghor y doethyon y kymyrth brỽtỽs Ge+
reyn dewyn. a deỽ·degwyr o|r gwyr hy+
naf y gyt ac ef ac yd athant yr themyl a p+
ob kyfreyt kanthỽnt o|r a oed reyt y aber+
thỽ ac ef. Ac gwedy eỽ dyỽot yno brỽtỽs a
dodes coron o|r gwynwyd yg kylch y ar·lle+
ỽoed ef. ac o hen kynneỽaỽt teyr kynne a
ossodassant rac bron drỽs y themyl. ỽn y Ju+
piter. ac ỽn y ỽercỽryỽs. ac ỽn y dyana. ac
aberth y pob vn onadvnt ar neylltv. Ac ynteỽ
brỽtỽs a sefys rac bron yr allaỽr. a llestyr y+
n|y law yn llawn o wyn a gwaet ewyc wen.
a|e wynep ef ar allaỽr y dwywes. ar amadr+
avd hvnn a dywaỽt. Kyỽoethaỽc dwyỽes
y koedyd. ty ysyd arỽthred yr beyd koet. yty
y mae kanhyat y kerdet trwy awyraỽl ffyrd
ac ỽffernolyon tey. a threyglaỽ dayarolyon
dylyet. Dywet ymy pa dayar a|ỽynnych y
phresswlyaỽ ohonaf y. yn|y lle yd anrydwyf yn+
heỽ ty o werynyaỽl choreỽ. Ac gwedy dywed+
wyt o·honaỽ ef yr amadraỽd hỽnn naỽ weyth
ef a dyneỽaỽd y llestreyt hỽnnỽ ym mewn y ky+
nne; ac gwedy hynny gorwed a orỽc ar croen
| « p 10v | p 11v » |