Cardiff MS. 1.363 (Hafod 2) – page 123v
Brut y Brenhinoedd
123v
gnheỽed e bredychws ef oll nyny ac eỽ kyllyll hyr+
yon yn lladassant oll onyt my vy|hvnan a keỽe+
ys paỽl ac o nerth hvnnỽ e dyengheys. ac en
er ỽn dyd hỽnnỽ e lladassant o tywyssogyon a
baronyeyt pedwr* ỽgeynt wyr a phedwar ka+
nt a hynny oll en dyarỽeỽ. ac en|e ỽeynt perygyl
honno ed enfynaỽd dyw ym pawl ac a hwnnw
ed ymdyffreys ac e dyengheys. A hyt tra ydoed
eydol en traethỽ er amadraỽd hỽnnỽ; ed oed em+
reys en annoc y kytemdeythyon ac en dody y
holl obeyth em map dyw. ac o·dyna en glew
kyrchỽ eỽ gelynyon ac o ỽn ỽryt ymlad tros
ev gwlat.
AG eyssyoes o|r parth arall ed oed heyngyst en
gossot y wyr enteỽ en ỽydynoed ac yn ev d+
yscỽ pa wed ed ymledynt ac en kerdet trwy
paỽb o·nadỽnt kan dyscỽ pob ỽn ar neylltỽ b+
ot ỽn glewder en ymlad kan paỽb onadỽnt.
ac o|r dywed gwedy gossot a llỽnyethv y bydy+
noed o pob parth kyrchv a gwnaethant y ky+
wdaỽdwyr bydynoed e saesson a newydyaỽ
damlygedygyon dyrnodyew a dyneỽ llawer o
crev a gwaet. e brytanyeyt o·dyma. e saysson
o|r parth arall en syrthyaỽ en ỽeyrw; ac en vra+
| « p 123r | p 124r » |