Cardiff MS. 1.363 (Hafod 2) – page 151v
Brut y Brenhinoedd
151v
hyt na cheffyt mynet nep o·dyna allan. Ac
e ỽelly pymthec dywyrnaỽt y gwarchayaỽd
e ỽelly hyt pan ỽuant marỽ o newyn hyt ar ỽy+
lyoed. Ac ỽal e* oed arthỽr en eỽ gwarchay e ỽe+
lly enachaf Gyllamvry brenyn ywerdon en d+
yvot a llyghes kanthaỽ amylder o pobloed ag+
kyfreyth kanthaỽ en porth yr escotyeyt ac yr
ffychtyeyt. Ac wrth henny ymadaỽ a gwnaeth
arthỽr ar llynn ac ymchwelwyt y arvev yr gw+
ydyl. ar rey henny kan ev llad hep trỽgared a k+
ymellỽs ef ar ffo y|eỽ gwlat. Ac gwedy e wudỽ+
golyaeth honno ymchwelỽt tray·keỽyn a orỽc
eylchwyl y ỽynnỽ dyleỽ kenedyl er escotyeyt ar
ffychtyeyt hyt ar dym en hollaỽl. Ac gwedy nat
arbedyt y nep megys y keffyt ymkynnỽllaỽ a
gwnaethant escyb e wlat honno y gyt ac eỽ
holl yscolheygyon o|r a oed darysteghedyc ỽdỽ+
nt. y gyt ac escyrn e seynt ac eỽ kreyryeỽ. ac en
drodnoeth e deỽthant hyt rac bron arthỽr.
ac erchy trỽgared tros e trỽan pobyl honno.
ac ar eỽ glynyeỽ y wedyaỽ ef hyt pan trỽgar+
hawd ỽrthỽnt. kanys dygaỽn o perygyl a drỽc
ar ry gwnathoed ỽdỽnt. kanyt oed reyt ydaỽ
| « p 151r | p 152r » |