Cardiff MS. 1.363 (Hafod 2) – page 166r
Brut y Brenhinoedd
166r
o ymladeỽ yr holl ỽrenhyned a oreskynna+
ssam ny hyt hynn. os gwyr rỽueyn a gwyr
germany a dyanghant en dyaerỽa y genhy+
m nynheỽ. hep dyal arnadỽnt er arỽaeỽ* a gw+
naethant|wynteỽ y en ryeny nynheỽ gynt. Ac*
chanys er ar* avrhon e may darpar ymkyvarỽ+
ot ac|wynt llawen yw kenhyf a damỽnaỽ ed w+
yf e dyd e kyvarỽydom ny y gyt. kanys sychet
eỽ gwayt|wynt essyd arnaf y en kymeynt a pey
kaffỽn ynheỽ ffynhaỽn oer gwedy bydvn tryd*+
eỽ hep yvet|dyaỽt. Oy a dyw gwyn y vyt a arho+
ey e dyd hvnnỽ. melys awelyeỽ kenhyf y er rey a|ky+
merỽn neỽ enteỽ er rey a rodỽn ynheỽ pan new+
yttem en deheỽoed y gyt ac en gelynyon. Er agh+
eỽ honno esyd ỽelys er honn a dyodeffwyf|y en dyal ỽy
ryeny am kenedyl. en amdyffyn ỽy rydyt. en ar+
dyrchaỽael yn brenyn. Ac|wrth henny kyrchỽn
er hanner gwyr henny a safỽn en eỽ kyrchỽ. h+
yt pan orffom ny arnadvnt wy kan dwyn ev h+
anryded ed arỽerom nynheỽ o lawen wudỽgo+
ly·aeth. Ac y anghwanegỽ de lw thytheỽ* myn+
heỽ a rodaf dwy ỽyl o ỽarchogyon arỽavc eythyr
AC gwedy darỽot y paỽb dywedwe +[ pedyt.
yt e peth a ỽynhey egkylchenny. adaỽ a
| « p 165v | p 166v » |