Cardiff MS. 1.363 (Hafod 2) – page 179v
Brut y Brenhinoedd
179v
ac e kylynt pan vey reyt vdvnt kylyaỽ.
ac e gwrthwynebynt y eỽ gelynyon. Ac
y vn o|r bydynoed er rac·dodet. lles cath+
ell senedvr. ac alyphantyma brenyn er
hyspaen. ac y arall hyrtach brenyn par+
th. a mevryc senedvr. ac yr tryded. boc
brenyn medyf. a Gayvs mettel senedvr.
yr pedwared. Qwynt emyl senedvr. ar
pedeyr kat henny a ossodet en|y blaen.
Ac en ol er rey henny trach ev keỽyn pedeyr
ereyll. ac y vn o|r rey xerssen brenyn ytv+
ry. ac y arall polytet dvc o ffrygya. yr
tryded pandrasỽs brenyn er eyfft. yr pe+
dwared teỽcher dvc o bytynya. Ac en ol er
rey henny pedeyr bydyn ereyll. ac y pob vn
onadvnt y llyawdyr. y ỽn o·honỽnt. Qwynty
carỽt senedvr. y arall lelly hosty. yr tryded
svlpyty. yr pedwared. meỽryc senedvr. Ac
enteỽ er amheraỽdyr hvnt ac ema en ev ha+
nnoc ac en eỽ dyskỽ pa wed y gwnelynt. Ac
en|e perỽed ed erchys ef en kadarn seỽydlỽ
eryr eỽreyt er hwnn a oed en lle arwyd
ydaỽ. ac erchy pwy bynnac o damweyn
a weskeryt y wrth y vydyn keyssyaỽ kyr+
| « p 179r | p 180r » |