BL Harley MS. 4353 – page 27v
Llyfr Cyfnerth
27v
march. A moch. a mel. Os gỽrthyt ef gyssef ̷+
uin; gỽerthet ynteu y|r neb y mynho gỽe ̷+
dy hynny. Teir keluydyt ny|s dysc tay ̷+
aỽc y vab heb ganhat. y arglỽyd. yscolhe ̷+
ictaỽt. A bardoniaeth. A gofanaeth. kan ̷+
ys o| diodef y arglỽyd hyt pan rother cor ̷+
un y yscolheick. neu yny el gof yn| y efe+
il. neu vard ỽrth y| gerd. ny eill neb eu ke ̷+
ithiwaỽ gỽedy hynny.
O|r ymladant gỽyr escob neu wyr ab ̷+
at a gỽyr brenhin ar tir y teyrn; eu dirỽy
a daỽ y|r teyrn. A chyt ymladont gỽyr es ̷+
cob a gỽyr abat ar tir y brenhin; y|r bren ̷+
hin y daỽ eu dirỽy. U* neb a artho tir dros
lud arglỽyd. talet pedeir keinhaỽc kyfre ̷+
ith o agori dayar gan treis. A phedeir ke ̷+
inhaỽc kyfreith o| diot heyrn o|r dayar. A| ch ̷+
einhaỽc o pop cỽys a| ymchoelo y|r
aradyr a hynny y perchennaỽc y tir. kyme ̷+
ret yr arglỽyd yr ychen oll a|r aradyr a|r
heyrn. A gỽerth y llaỽ deheu y|r geilwat.
A gỽerth y troet deheu y|r amaeth. O|r clad
dyn tir dyn arall yr cudyaỽ peth yndaỽ;
perchennaỽc y tir a geiff pedeir keinhaỽc
.kyfreith. o agori dayar ar gudua onyt eurgra* ̷
| « p 27r | p 28r » |