Oxford Jesus College MS. 119 (The Book of the Anchorite of Llanddewi Brefi) – page 106r
Buchedd Beuno
106r
hynn val na chaffom ni dim y|vỽytta. A|phann gigleu
veuno yr ymadraỽd hỽnnỽ o|e benn rodi y emelltith
arnnaỽ a|oruc beuno. A marỽ uu ynteu kynn diỽed y
dyd. Yna yr|ymhoelaỽd beuno hyt ar veibon selyf
a|dyỽedut vrthunt. Y peth a|rodes ych teit chỽi y|duỽ
yn ryd. A vynnỽch chỽitheu rodi mal ar ardreth. a
cheithiỽet arnnaỽ. Ys rodho duỽ ymi. ac ys gỽnel
yr of y gỽr yr ỽyf vi yn gỽassannaethu idaỽ. na me+
do ych etiued chỽi byth euo. ach distryỽ chỽitheu o|r
teyrnnas honn a teyrnnas rac llaỽ. Ac yno val yd
erchis beuno yn|y ỽedi y cauas. Odyno y|gedeỽis bev+
no y lle hỽnnỽ ac y kerddaỽd hyt yn glan dyfyrdỽy
avon y|geissaỽ lle y ỽediaỽ duỽ. Ac ny|s cauas yny do+
eth hyt at temic vab eliud. Ar temic hỽnnỽ a|rodes
y|veuno yn dragyỽydaỽl ac yn diosgrynn tref. Ac yno
yr adeilaỽd beuno eglỽys ac y kyssegraỽd y|duỽ. Te+
mic kynn penn hayach o amser a edeỽis y|lle diffeith
hỽnnỽ y veuno. A|dydgỽeith yd aeth temic a|e ỽreic yr
eglỽys y ỽaranndaỽ offeren a|phregeth y|gann veuno.
Ac adaỽ gartref y verch yn gỽarchadỽ. A|morỽyn dec+
caf yn|y byt oed honno. ac ny rodassit hi y|ỽr yna etỽa.
Ac val yd oed hi e|hun yn gỽarchadỽ. nachaf y|gỽelei hi
y|brenhin a|oed ar|y lle hỽnnỽ yn dyuot y|myỽn attei.
A charadaỽc oed y|enỽ. Sef a|ỽnaeth hitheu kyuodi yn|y
erbyn a bot yn llaỽen vrthaỽ. Sef a|oruc y brenhin go+
| « p 105v | p 106v » |