Oxford Jesus College MS. 119 (The Book of the Anchorite of Llanddewi Brefi) – page 120v
Credo Athanasius
120v
A|hitheu val kynt yn vorỽyn pob amser; Ac vrth
hynny yn hyaỽngret ni yỽ kredu yn callonnev. Ac
adef ar yn tauodev bot iessu grist yn duỽ ac yn dyn
ac yn vab duỽ. ac a|anet o|rym ac anyan y|tat kynn
yr holl oessoed heb dechreu arnaỽ. A|e aeni yn dyn o
anyan y|vam. yn|yr holl oessoed yn duỽ perffeith. Ac
yn dyn perfeith*. o eneit synnhỽyraỽl dylyedus. A|chna+
ỽt dynyaỽl idaỽ yn personn seuedlaỽc gogyfuoeint a|e
dat o|bleit dỽyolyaeth. a|llei noe tat o|bleit dynyoly+
aeth. A chynn bo gỽir duỽ ef a|gỽir dyn. eissoes nyt
dev ef. namyn vn duỽ. iessu grist. nyt yr mynet dev
troi y|dỽyolyaeth yg|knaỽt. namyn o achos kymryt
o|vab duỽ attaỽ ef y|dynyolaeth yn vn person ac ef.
megys pei plennyt keing oryỽ brenn y|myỽn prenn
arall. Ac vrth hynny vn iessu grist ysyd ỽir duỽ a|gỽir
dyn. nyt yr kymyscu y|dev anyan yn vn anyan. na+
myn o achos bot y|dỽyolaeth a|e|dynyolaeth yn vn per
son. kannys megys y|byd vn|dyn o|eneit dylyedus
a|chnaỽt. Velle o|duỽ a dyn y|mae vn iessu grist yr
hỽnn a|diodefuaỽd aghev yr yn gỽaret ni. Ac odyno
anreithaỽ vffernn. A|e gyuodi o|veirỽ yn vyỽ yn|y try+
dydyd. a|e ysgynnv ar nefoed. ac yn eisted ar dehev
duỽ dat hollgyfuoethaỽc. Ac odyno y|daỽ y|varnnv
ar vyỽ ac ar veirỽ. Ac yna y|kyuodant yr holl b·op+
loed meirỽ yn|vyỽ yn|y corffoed yr varnn. Ac yna y
| « p 120r | p 121r » |