Oxford Jesus College MS. 119 (The Book of the Anchorite of Llanddewi Brefi) – page 22v
Ystoria Lucidar
22v
o|r soec. ac o|r graỽn. velly y|kyssylltir corff
krist o|lawer o|r rei kyfyaỽnn. Ac y|gwasgỽyt
yn trauael y groc. mal y|gwesgir y|gỽin yn|y
drauael yntev. Ac am vot byỽyt yn|heneit
ni yn|y gỽaet. am hynny y|troir y|gỽin yn
waet. ac yn gỽelet gosged y|bara ar gwin
yn|y heilun e|hunein. Pa|delỽ y|dyỽedir y|vot
ef yn gic ac yn waet. Med y|sant. diogel
yỽ y|mae ef y corff a|anet o|veir. Ac a|dibynny+
aỽd yn|y groc. ac a|ysgynnyaỽd yr nef. a|lly+
na paham y|trigyaỽd ef yn rith y|bara ar
gwin. rac bot yn aruthur gennyt gymryt
myỽn dy enev y|gỽaet a|welut yn defni o|e ys+
tlys ef. nev vỽytta o|e gorff yntev a|thi yn|y
welet. Pa Jechyt yssyd yndaỽ ef. Y|mỽyhaf.
megys y|trossir y|bỽyt y|gic yr neb a|e bỽyttao
velly y|trossir pob ffydlaỽn yn gorff ygrist.
drỽy y|bwytaedigaeth hỽnnỽ. vrth hynny
kyt·diodef a christ a|ỽnaỽn drỽy ymadaỽ a
chỽant y|byt ac a|e wydyeu. Ac an kyt·gla+
du a|wneir pann yn|soder yn|y dỽfuyr y|bedyd.
Ac vrth hynny y|ssodir teir·gỽeith ar gyfeir
y|teir persson. a|thrỽy vwytaedigaeth y gorff
ef. yn gwnneir ni yn vn gorff ac ef. Ac am
hynny reit yỽ yn dỽyn ni yr lle y|mae krist.
| « p 22r | p 23r » |