Oxford Jesus College MS. 119 (The Book of the Anchorite of Llanddewi Brefi) – page 47v
Ystoria Lucidar
47v
A neỽydedyf. Odyna y|vlỽydynn yỽ krist. A
megys y|dyỽedir yr arglỽyd yỽ y|vlỽydynn
dagneuedus. Y missoed yỽ yr ebestyl. kỽrs yr|he+
ul yỽ y|vlỽydynn. megys y|dyỽedir. kỽrs y|llo+
er yỽ y|mis. vrth hynny y gỽnneir purdan
y|vlỽydyn. Megys y|madeuir idaỽ yn hynny
o ennyt beth|bynnac a|bechaỽd yn erbyn crist
heul y|wironed. Ac eglỽys yr honn yssyd leu+
at yr deudeg mis. Sef yỽ hynny dysc y deu+
dec ebestyl. Pa baeth* yỽ y purdan. Y rei y|byd
purdan yn|y byt. megys gouudyon. a|cholle+
deu a|wnnel dynyon drỽc vdunt. Ereill drỽy
boeni o·honunt e|hun y kyrff drỽy wylyaỽ.
Ac vnprydyaỽ. A|llauuryaỽ. Y ereill y|byd pur+
dan o golli ev kenedyl. ac ev da. Y ereill o|he+
int a dolur. Y ereill o|eisseu bỽyt. a dillat. Y|e+
reill o odef anghev chỽerỽ. Gỽedy anghev y
byd purdan yr eneit. Ac o ormod gỽres y|tan
Ac o ormod kyruachedigaeth oeruel. Ac o|ryỽ
genedyl boennev ereill. A mỽy yỽ y boen leiaf
ohonunt no|r boen vỽyhaf a|allei dyn yn|y
byt hỽnn y|veddylyaỽ. A|thra voent hỽy yn|y
poennev hynny. Gỽeithev yd ymdengys eng+
ylyon nev seint ereill vdunt y|gỽnaethant
ỽyntev anryded vdunt. Ac ỽynt yn vyỽ yn|y
| « p 47r | p 48r » |