Oxford Jesus College MS. 57 – page 20
Llyfr Blegywryd
20
amrysson kadeir y keif ef gorn bual. a modrỽy
eur. a|r gobennyd a|dotter y·danaỽ yn|y gadeir. ~
Pan deruyner tir. pedeir ar|hugeint a|geif ef. ỻen+
ỻiein yn|wastat a|geif y gan y vrenhines. O|r an+
reith a|dycko y teulu. kynny bo ef gartref rann
deuwr a|geif. O|r dyweit neb ac* y braỽdỽr varnu
cam·varn arnaỽ. rodent eu deu wystyl yỻ deu yn ̷
ỻaỽ y brenhin. ac os y braỽdỽr a|orvydir. a chyfre+
ith yscriuennedic yn dangos y oruot. talet y|r
brenhin y sỽyd a|gỽerth y dauaỽt. ac odyna na
varnet vyth. Ny dylyir credu barn na|e chym+
ryt rỽng deu wystyl am vraỽt. o·nyt vn a|dan+
gosser yng|kyfreith ysgriuenedic. Braỽdỽr
herwyd breint y dir tra gynhalyo tir. breint
braỽdỽr a|gynneil ef drỽy y tir. Sarhaet bra+
ỽdỽr sỽydaỽc. herỽyd breint y|sỽyd y telir idaỽ.
Sarhaet hagen braỽdỽr heb sỽyd. namyn trỽy
vreint y dir. herỽyd breint y tir y telir idaỽ. pan
orffo o ymỽystlaỽ gyt a|e varn. Ny dichaỽn ~
brenhin dỽyn breint braỽdỽr sỽydaỽc yny dycko
y sỽyd
| « p 19 | p 21 » |