Oxford Jesus College MS. 57 – page 211
Llyfr Blegywryd
211
haỽlỽr. dioer heb ef y da a|dywedy di y dỽyn o+
honaf|i yn anghyfreithaỽl. tydi a|e teleist ymi
am hynn. neu am|hynn. ac ot amheuy di y
mi hynny. y|mae ym digaỽn a|e gỽyr. ac ar
y gyfreith y dodaf|inneu na|dylyir talu gỽrth+
haỽl y minneu am vy haỽl. O|r gỽatta yr
amdiffynnỽr hynny. Mỽynhaer gỽybydyeit
yr haỽlỽr. ac ony|s gỽatta. dyeithyr adef. atue+
rer y|da y|r haỽlỽr. Os ef a|dyweit yr amdif+
fynnỽr. dodi yng|cof ỻys. na dyly yr haỽlỽr gy+
chỽyn y|da yn anghyfreithaỽ* ual y dywedas+
sei arnaỽ. a mynnu mỽynant o hynny. ac er+
chi braỽt a|dywedut o|r haỽlỽr. dioer heb ef nyt
reit gỽat dros orsaf. ardelỽ kyfreithaỽl yssyd
gennyf|i gorsafedic yn|y gyfreith. ac ysef yỽ
hỽnnỽ. y da a|dywedeist di arnaf|i y dỽyn y gen+
nyt ti yn anghyfreithaỽl. ry dywedut o·honaf
inneu panyỽ da a|deleist|i ymi am dylyet oed
hỽnnỽ. ac ar y gyfreith y dodaf|inneu. yny baỻo
vy ardelỽ inneu nat reit ym wadu dros or+
saf. Os ef a|dewis yr amdiffynnỽr barnu bra ̷+
ỽt.
| « p 210 | p 212 » |