Oxford Jesus College MS. 57 – page 216
Llyfr Blegywryd
216
ac ymchoelut y gyfreith yn|y ỽrthỽyneb. ac ỽrth hyn+
ny y gelwir hi y gyfreith atcas. O deruyd y dyn ho+
li peth o anghyfarch y araỻ. a mynnu dyuot
yr anghyfarch drachevyn o|e warchadỽ ef. ac o|r
bei a|amheuei dỽyn y peth yn anghyfarch. adaỽ
praỽf. gỽat neu ardelỽ yssyd reit y|r amdiffynnỽr.
os gỽadu a|wna. gatter y praỽf y|r haỽlỽr. Os|ef
a|dyweit yr amdiffynnỽr. dioer heb ef. ny dy+
lyaf|i dy atteb di o|r haỽl honno. Sef achaỽs yỽ
y|da a|dywedy di. arnaf|i y|dỽyn yn anghyfarch.
dy vod di a|th gannat a vu ymi y dỽyn hỽnnỽ.
ac o|e gychwyn. ac ot amheu·y di hynny y mae
ymi digaỽn a|wyr bot yn wir a|dywedaf|i. ac
ar y gyfreith. y dodaf|i y da a|gychỽynnỽyt gan dy
vod di a|th gannat. na|dyly hỽnnỽ ymchoelut
y|th warchadỽ di dracheuyn ym|breint anghyf+
arch. kanyt anghyfarch onyt o anuod. nam ̷+
yn gan vy mot|i a|m kannat. kanys kyfreith+
aỽl y dodyỽ y gennyt y|da. a|bot ymi digaỽn
a|wyr bot yn wir a|dyỽedaf|i. Os gỽadu a|wna
yr haỽlỽr. gatter y praỽf y|r amdiffynnỽr ac
| « p 215 | p 217 » |