Oxford Jesus College MS. 57 – page 245
Llyfr Blegywryd
245
mut a|oed vrenhin ar yr ynys honn. a mab oed
hỽnnỽ y Jarỻ kernyỽ o verch brenhin ỻoegyr.
A|gỽedy diffodi tatwys y vrenhinyaeth y cafas
ef y deyrnas o gogeil ỽrth y vot yn wyr y|r bren+
hin. a|r gỽr hỽnnỽ oed wr aỽdurdodỽys* doeth.
ac ef a|ossodes kyfreitheu da yn|yr ynys honn
yn gyntaf. a|r rei hynny a barhaaỽd hyt yn oes
howel da. Howel wedy hynny a|wnaeth kyfreith+
eu newyd. ac a|diuaaỽd rei dyfynwal. ac ny sym+
mudaỽd ef eissoes messureu tired yr ynys honn.
namyn ual yd adaỽaỽd dyfynwal. kanys gorev
messurỽr oed ef. Ef a uessuraỽd yr ynys honn
o bennryn blathaon ym|prydein. hyt ym|penn+
rynn penn gỽaed yng|kernyỽ. Sef yỽ hynny
naỽ cant miỻtir. a hynny yỽ hyt yr ynys honn.
ac o gruckyỻ ym mon. hyt yn sorram yng|glann
mor rud. pum cant miỻtir. a hynny yỽ ỻet yr
ynys honn. Sef achaỽs y messuraỽd ef hynny.
yr gỽybot mal yr ynys honn a|e miỻtiryeu. ac
ymdeitheu yn|y dieuoed. a|r messur hỽnnỽ a
uessuraỽd ef ỽrth y gronyn heid. Tri hyt y gronyn
| « p 244 | p 246 » |