NLW MS. Llanstephan 27 (The Red Book of Talgarth) – page 28v
Ymborth yr Enaid
28v
1
traỻosgrach. pechaỽt yn erbyn anyan. drycchwant. angkewilyd.
2
pechaỽt ỻỽdyngar. ffyrnigrỽyd yỽ pob kyt·cnaỽtaỽl weithret y
3
maes o|r gỽely priaỽt. Godineb yỽ. kydyaỽ o wr priaỽt a gỽreic
4
araỻ. neu o wreic briaỽt a|gỽr araỻ. Traỻosgrach yỽ pechu ỽrth
5
gar neu gares. neu gyfathrachdyn o gyvathrach gnaỽtaỽl
6
neu ysprydaỽl. Pechaỽt yn erbyn anyan yỽ goỻỽng dynaỽl
7
hat yn amgen le. no|r ỻe teruynedic y hynny. Dryc·chwant yỽ.
8
ỻithredic ystyngedigaeth medỽl ar wahardedic uedalrwyd eid+
9
unet. Angkewilyd yỽ. ardangos anniweirdeb medỽl ar arwydy+
10
on odieithyr. Pechaỽt ỻỽdyngar yỽ pechu ỽrth ansynnwyro+
11
lyon aniueilyeit. Wyth bechaỽt yn achwyssaỽl a|ennynnant
12
o odineb. neu o anniweirdeb. nyt amgen. seguryt. bỽytvlyssic.
13
diodyd gỽerthuaỽrussyon. gỽaryeu. cussaneu. geiryeu ser+
14
cholyon. rodyon dirgeledigyon. ymdidaneu kyfrinachus. a
15
naỽuet yỽ golygon yn mynych edrych ar uorynyon a|rianed.
16
T Raether beỻach am|lythineb a|e geingeu. Glythineb yỽ
17
anueidraỽl drachwant y vỽytta neu y yuet yn ang+
18
kymessur. Deudec o geingeu yssyd y lythineb. nyt amgen.
19
ruthni. meddaỽt. ffolhaelder. an·ymgynnal. angkymedrolder.
20
angkewilyd. gorwac ymadraỽd. anniweirdeb. an·aduỽyndra.
21
anhynaỽster. tordein. chwyt. Ruthni yỽ kymryt gormod bỽ+
22
yt. Meddaỽt yỽ kymryt gormod diaỽt. ffolhaelder yỽ diuaỻ+
23
drein a dylyer ac ar ny dylyer y rodi. an·ymgynnal yỽ rac+
24
vlaenv teruyn gossodedic y gymryt bỽyt neu|diaỽt gan
25
dorri vnprytyeu a ossotto yr|eglỽys gatholic. anghymedrol+
26
der yỽ. tra·chwennychu gormod bwyt neu diaỽt. anghewi+
27
lyd yỽ. dywedut croessan eiryeu angcrefydus. Gorwac yma+
| « p 28r | p 29r » |