NLW MS. 3035 (Mostyn 116) – page 80v
Brut y Brenhinoedd
80v
am y neges yd oedyn yn|y cheissaỽ. A gỽedy bot y gỽeisson
yn gỽare yn hir daruot a wnaeth rỽg deu o·nadunt a|r
neiỻ o·nadunt a elwit Myrdin a|r ỻaỻ a elwit dunaỽt
Ac yna y|dywaỽt dunaỽt ỽrth vyrdin. py achaỽs heb
ef yd amryssony ti a|miui. nac y kynhenẏ. kanys dyn
tyghetuenaỽl ỽyt|ti heb dat idaỽ. A mineu a henỽyf
o vrenhinaỽl lin o bleit mam a|that. A phan gigleu
y|kenadeu yr ymadrodyon hẏnẏ drychafel eu hỽyneb+
eu a|wnaethant ac edrych ar vyrdin. A gofyn y|r dynyon
a oed yn eu kylch pỽy oed y gỽas. ỽynteu a dywedassant
na ỽydynt py tat a|e heniỻassei ef. Y vam yn·teu heb
ỽynt y mae yn vanaches ym plith y|manachesseu ereiỻ
A c yn|y ỻe kychwyn a oruc y [ yn eglỽys bedyr ~
kenadeu ar gỽnystabyl y dref. Ac erchi idaỽ o|bleit
y brenhin anuon myrdin a|e vam yn dianot hyt
at y brenhin ỽrth wneuthur y ewyỻis o·nadunt a
gỽedy eu dyuot hyt rac bron y brenhin Y haruoỻ yn
en·rydedus a wnaeth y brenhin y vam vyrdin kan gỽy+
dyat y hanuot o vrenhinyaỽl anedigaeth. Ac odyna
gofyn a oruc idi pỽy oed tat y|mab. Ac yna y dywaỽt
hitheu Arglỽyd vrenhin heb hi byỽ yỽ uy eneit i nat
adnabuum i ỽr eiroet ac na ỽybuum pỽy a|greỽys y
mab hỽn y|m kalon. namyn vn peth a ỽn. Pan ytto+
edỽn ym|plith vyg|kytymdeithesseu yn yr vn ty. na+
chaf y gỽelỽn yn dyuot attaf yn drych gỽr jeuanc
o|r byt Ac yn dodi y dỽylaỽ y|m kylch Ac yn ym·garu
a|mi. Ac o|r diwed yn kydyaỽ a mi drỽy vy hun. a|m ha+
daỽ yn veichaỽc. A gỽybydet dy brudder ti a|th doeth+
ineb di arglỽyd vrenhin. na bu imi eiroet achaỽs
a gỽr namyn hẏnnẏ. Megys y gỽypỽn i bot tat idaỽ
| « p 80r | p 81r » |