NLW MS. Peniarth 11 – page 280v
Ystoriau Saint Greal
280v
a ymgredaỽd a|e gilyd am vynet yno. ac yno ỽynt a|doe+
thant. ac a|drigyassant yno yn hir o amser. A gỽedy eu
dyuot o·dyno ỽynt a ymborthassant megys meudwyeit.
ac a|wisgassant peisseu raỽn ymdanunt. Ac ueỻy y gnot+
taassant gerdet ar|hyt fforestyd diffeith. ac ny bwyteynt o+
nyt gỽreid ỻysseuoed. ac ansaỽd galet arnunt. eissyoes
yr oed hynny yn rengi bod udunt ỽy. A phan ovynnit ud+
unt paham y bydynt ueỻy. Ewch medynt ỽynteu ỽrth
y rei a|e govynnei y|r ỻe y|buam ninneu a|chwi a|e gỽybyd+
wch. ac uelly yd attebynt y baỽp. Ac ueỻy y bu y marcho+
gyon hynny yn|y vuched santeid honno yny vuant vei+
rỽ. ac ny chaffat ganthunt ỽy vyth hyspysrỽyd amgen.
Ac weldyna y chỽi yr hynn hyspyssaf a giglef|i y ỽrth lys
brenhin peleur. Ac ueỻy y teruyna ystoryaeu
seint greal. ~ ~ ~ ~ ~ ~ ~ ~ ~
| « p 280r | p 281r » |