NLW MS. Peniarth 18 – page 14r
Brut y Tywysogion
14r
1
y bu varỽ Jeffre escob myniỽ. ac yn|y ol yn+
2
teu y deuth gỽr o|normandi yr|hỽnn a|elỽit ber+
3
nart. yr hỽnn a|dyrchafỽyt yn escob ymyniỽ y
4
gan henri vrenhin o|nuod* holl yscolheigon y|br+
5
yttannyeit gan eu tremygu. Y|ghyfrỽg hynn+
6
y y|deuth gruffud vab rys vab teỽdỽr brenhin
7
deheubarth o Jwerdon y dyfet. yr hỽnn a|athoed
8
yn|y vabaỽl oetran gyt a|rei o|e gereint hyt yn
9
Jỽerdon. ac y|trigyaỽd yny uu ỽr aeduet. ac y+
10
n|y diỽed wedy diffygyaỽ trahir alltuded yd
11
ymhoelaỽd y|dref y|dat. A hỽnnỽ a|trigyaỽd am+
12
gylch dỽy vlyned weitheu gyt a|gerallt stiỽ+
13
art casstell penuro y daỽ gan y whaer. kanys
14
honno oed nest verch rys vab teỽdỽr gỽreic y|dy+
15
ỽededic gerallt megys y|racdyỽetpỽyt uch+
16
ot. Gỽeith ereill gyt a|e gereint. Gỽeitheu
17
ygỽyd gỽeitheu yn absen o le y|le. yn|y diỽed
18
y kyhudỽyt ỽrth y|brenhin. A|dyỽedut bot
19
medỽl paỽb o|r bryttannyeit gyt ac ef drỽy e+
20
bryuygu brenhinaỽl uedyant henri vrenhin.
21
A phan gigleu gruffud y|chwedleu hynny. ar+
22
uaethu a|ỽnaeth ar vynet at ruffud vab ky+
23
nnan y geissaỽ amdiffyn y hoedyl ygyt ac ef
24
a gỽedy anuon kennadeu ef a|edeỽis o|deuei
25
attaỽ ef yd|aruollei yn|llaỽen iaỽn. A gỽedy
26
clybot o gruffud vab rys hynny ef a|aeth ef a
| « p 13v | p 14v » |