NLW MS. Peniarth 18 – page 15v
Brut y Tywysogion
15v
1
oed ossodedic yn ymyl aber tawy. a hỽnnỽ bioed
2
Jarll a|elỽit henri bemỽnt. a|gỽedy llosgi y|rackas+
3
tell ac amdiffyn o|r keitỽeit y|tỽr a|llad rei o ỽyr
4
yd ymhoelaỽd drachefen. a gỽedy clybot hynny
5
ac ymgynnullaỽ attaỽ llaỽer o|ynuydyon ieu+
6
einc o pop|tu wedy y|tỽyllaỽ o|chwant anreitheu
7
neu o geissaỽ atgyỽeiraỽ neu atneỽydu bryttan+
8
naỽl teyrnas. Ac ny|thal ewyllus dyn dim ony
9
byd duỽ yn borth idaỽ. Gỽneuthur a|oruc yscolue+
10
theu maỽr yn|y gylch o|gylch. ar|ffreinc yna a gy+
11
meryssant gyghor a galỽ pennaetheu y|wla* at+
12
tunt nyt amgen yỽein ap Cradaỽc ap rederch y|g+
13
ỽr y rodassei henri vrenhin idaỽ ran o|r cantref
14
maỽr yn ystrat tyỽi. A meredud vab ryderch yr
15
hỽnn a|racdyỽedassam ury. A rederch ap teỽdỽr
16
a|e ueibon nyt amgen Maredud ac yỽein. Gỽre+
17
ic Ryderch ap teỽdỽr. Mam y rei hynny oed hun+
18
ud verch vledyn ap kynnuyn y penhaf o|r brytta+
19
nnyeit wedy Gruffud ap llyỽelyn y|rei a|oed+
20
ynt urodyr vn vam. kanys agharat verch varedud
21
vrenhines y|bryttannyeit oed y mam yll deu. Ac
22
yỽein vab Cradaỽc vab Gwenllian verch y dyỽede+
23
dic vledyn. Y rei hynn a|llaỽer o rei ereill a|doe+
24
thant ygyt a gofyn a|oruc y freinc udunt a|oed+
25
ynt oll fydlonnyon y henri urenhin. ac atteb a|ỽ+
26
naethant eu|bot. A|dyỽedut a|ỽnaeth y freinc
| « p 15r | p 16r » |