NLW MS. Peniarth 18 – page 30r
Brut y Tywysogion
30r
Catwallaỽn y nei ap y vraỽt o|e lygeit a|e ge*+
lleu. Yn|y ulỽydyn honno y lladaỽd llywelyn
ap Madaỽc ap Meredud ystefyn ap baltỽin. y+
n|y ulỽydyn honno y|gỽrthladỽyt catwaladyr
o ynys von ac y bu varỽ simyon archdigon* kyf+
eilaỽc gỽr maỽr y anryded a|e deilygdaỽt. Y vlỽyd+
yn racỽyneb y kyweiraỽd Meredud a|rys. Meib+
on Gruffud ap Rys y bydinoed y penỽedic ac ym+
lad a|ỽnaethant a|chastell howel a|e darestỽg. ny bu
vaỽr wedy hynny yny gyrchaỽd Meibon Rys
gastell dinbych. a|thrỽy vrat nos wedy tori y pyr+
th y gỽeresgynnassant y castell ac y|dotassant ef
y|ghatỽraeth gỽilim ap geralt. a|gỽedy daruot
hynny y diffeithaỽd rys ap Gruffud a|diruaỽr
lu y gyt ac ef castell ystrat kyngen. a Mis mei
wedy hynny y kyrchaỽd Meredud a|rys meibon
Gruffud ygyt y castell aber auyn. a|gỽedy llad
y castellỽyr a llosgi y castell. diruaỽr anreith
ac aneiryf oluoed* a dugant gantunt odyno.
Eilweith y|diffeithaỽd Rys gyfeilaỽc drỽy y
vudugolyaeth. Yn|y vlỽydyn honno y|bu va+
rỽ dauit ap y moel colỽm brenhin prydein.
Yn|y vlỽydyn honno y doeth henri dywyssa+
ỽc y|loegyr ac y gỽeledychaỽd holl loegyr. Y+
n|y ulỽydyn honno y bu varỽ rỽndỽlf Jarll.
caer lleon. Yn|y ulỽydyn honno y|daeth cadell.
| « p 29v | p 30v » |