NLW MS. Peniarth 190 – page 117
Ystoria Lucidar
117
nyant. megys y bo mỽy eu dolur. ac am
ebryuygu ohonunt gỽneuthur y da. gỽedy
dyd·braỽt y rei da a|wyl y rei drỽc yn|y po+
eneu. Y rei drỽc hagen ny welant ỽy y rei
da o hynny aỻan vyth. discipulus A dolurya y rei
gỽirion o welet eu doluryaỽ ỽynt ueỻy.
Magister Kyt gỽelo y tat y mab. neu y mab y
tat yn|y poeneu. neu y vam y uerch. neu
y verch y vam yn|y poeneu. neu y gỽr y
wreic. neu y wreic y gỽr. ny doluryant
namyn digrif vyd ganthunt eu|gỽelet.
ual y mae digrif gennym ninneu welet
y pysgaỽt yn|y donn. megys y dywedir
ỻawen vyd gỽirion pan welo dial y pech+
odeu. discipulus A wediant ỽy drostunt Magister Yn er+
byn duỽ oed udunt pei|gỽediynt dros
y rei emeỻdigedic. ỽrth hynny unolder
ynt ỽy a|duỽ megys y treigyl udunt y
vrodyeu ef ym·pop peth. ac ỽrth hynny
ỻawen vyd ganthunt eu gỽelet hwy
ueỻy. discipulus Ym pa uffern yd oed y rei gwir* ̷ ̷+
on kynn dyuot crist. Magister Yn|yr uchaf yn
| « p 116 | p 118 » |