NLW MS. Peniarth 190 – page 49
Ystoria Lucidar
49
A aỻant ỽy dangnefedu a duỽ dros y bo+
byl. Magister Ys mỽy y kodant. kanys halogi y
kyssegyr a|wnant pan y sathront. ac ha+
logi y gỽisgoed a|r ỻestri kyssegredic pan
y teimlont. aruthyr a ffieid vydant gan
yr engylyon. a ffo a wnant racdunt. discipulus A
wna duỽ megys y dywedir y veibyon.
Magister|Nyt y veibyon a|e ỻityant ef am eu
budredi. ỽrth hynny med yr arglỽyd. Mi
a gudyaf vy wyneb y ỽrthunt ac racdunt.
Y veibyon y geilỽ ef ỽyntỽy o achaỽs eu
hoffeiradaeth. ac am eu budred y dyweit
nat y veibyon ynt. ac ny chymer duỽ eu
haberth ỽy. namyn y ffieidyaỽ megys y
dywedir. vy eneit i a gassaa aỽch aberth
chỽi halaỽc a offrymassaỽch ym. a cha+
ny aỻer halogi corf yr arglỽyd. herỽyd
y gaỻont ỽy ef a|halogir yn anosparthus.
ac megys bara araỻ y kymerant ỽy ef.
Ny chymerir hagen eu gỽedi ỽy. namyn
yn bechaỽt y byd udunt kannys gỽe+
| « p 48 | p 50 » |