NLW MS. Peniarth 32 (Y Llyfr Teg) – page 140
Llyfr Iorwerth
140
1
N yth hebaỽc; punt a|dal. Yn|y gywryd; chỽeu+
2
geint. Gỽedy bo mutteir; punt. veỻy os y
3
brenhin bieiuyd. Os mab uchelỽr; chỽeugeint
4
o|r byd mutteir. Os kyỽrud; trugeint. Hỽyedic
5
hebaỽc; pedeir ar|hugeint a|dal. Nyth ỻamysten;
6
pedeir ar|hugeint. ỻamysten kynn y mynet ym
7
mut; pedeir ar|hugeint. Py ederyn bynnac a vo
8
y daeaỽc; vn|werth vyd a|e iar.
9
G ỽerth hyd o galan gaeaf hyt ỽyl ieuan;
10
trugeint. a naỽ ugeint camlỽrỽ ymdanaỽ.
11
ac o wyl ieuan hyt y kalan; deudec golỽyth
12
kyfreithaỽl a|vyd yndaỽ. a thrugeint ar bop vn
13
o·nadunt. Sef yỽ y rei hynny; y dỽy vanec.
14
val y deu·corn. a|e dauot. ae laỽuron. a|e gaỻon.
15
a|e auu. a|e deu lỽyn. a|e dumon. a|e hydgyỻen.
16
a|e goluỽyden. a|e herỽth. a chamlỽrỽ am bop un
17
o·nadunt. Sef yỽ eiryf hynny; deugein mu. O deruyd.
18
dyuot kỽn y brenhin. yn ol hyd a|e lad. Pỽy byn+
19
nac bieiffo y tir; kymeret y kỽn a|r hyd a
20
chatwet hyt hanner dyd. os y bore vyd heb
21
y vligaỽ. ac ony daỽ y kynydyon yna; bliget
22
yr hyd. a chatwet y croen a|r kic. a ỻithyet y
23
kỽn. a dyget ganthaỽ adref. Os hanner dyd
24
vyd; katwet hyt naỽn. Os naỽn vyd; katwet
25
hyt gỽedy gosper. Os gỽedy gosper; katwet
26
hyt trannoeth. a|thannu manteỻ arnaỽ.
| « p 139 | p 141 » |