NLW MS. Peniarth 33 – page 58
Llyfr Blegywryd
58
meithon. ẏ|dẏlẏaỽdẏr a|dẏlẏ|tal o|r da
hỽnnỽ. kannẏs ẏ|marỽ a|vu vach kẏn+
nogẏn idaỽ. bioed ẏ|da; Ef a|dẏlỽ* tẏgu
ar|ẏ|seithuet o|r dẏnẏon nessaf ẏ|wer+
th. ar ved ẏ|talaỽdẏr o|r dẏchaỽn ẏ|ga+
ffel. ac onnẏs dichaỽn ar arllaỽr* gẏ+
segredic. gỽerthu ohonnaỽ ẏ da idaỽ
a|bot hỽnnỽ ẏn vach kẏnnogẏn idaỽ
dros werth ẏ|da. Pwẏ|bẏnnac a|uo
mach goruodaỽc dros arall. nẏ rẏd+
heir hẏt ẏmpen vn dẏd a|blỽẏdẏn.
Ac nẏ phoenir ovẏỽn hẏnẏ dros ẏ
cam a|wnnel hỽnnỽ. kannẏs me ̷+
gẏs rỽẏmedic mẏwẏn* ẏr achaỽs
hẏnnẏ wẏpper a|def* ẏ|kẏlus ỽrth gẏf +
reith. ae na del kẏn teruẏn Pwẏ|bẏn+
nac a|gẏmero mach ar dẏlẏet. a|marw
ẏ|mach kẏn talu ẏ|dẏlẏet. doet ar|ved ẏ
mach a|thẏget ar|ẏ seithuet o|r dẏnẏon
nessaf ẏ|werth. ẏ|rẏ|uot hỽnnỽ ẏn vach
idaỽ ar|ẏ|dẏlẏet. o|r keiff ẏ|bed. Ac onẏ|s
keiff; ar allawr gẏssegredic. A gỽedẏ
hẏnnẏ ẏr arglỽẏd bieu kẏmell ẏ vech+
ni dros ẏ|marỽ. Os ẏ kẏnnogẏnn a
| « p 57 | p 59 » |