NLW MS. Peniarth 35 – page 61v
Llyfr Cynghawsedd
61v
ledauc. ac o bey a amheỽy ỽe mot hep ran bot
ymy digaun a|y gỽypey ỽe mot ep ran. am
ran gennyty o|r tyr hỽn. ac nyt ỽe reỽot
en priodaur a| dodeys y epen ỽe keytweit na+
men ỽe mot arauron . ac essef achaus ydỽyf
y en holy urth ỽot ỽe ran gennyty o|r tyr
hỽn ac ac e kyfreith e| dodaf| y nat lleysteyr arnaf| y
er ardelu a| dewedeysty y wynhau ỽe tyston
am keytweit. e| kyfreith a| deweit en er holo den
peth drỽy teston. a keitweit o cubil gue+
dyr en eu erben deleỽ mỽynhau y tistion
o| byt haul deleher dody testion neỽ keyt+
weit arnei. O dadenyr er emadraut a
ceyssau dyua er haul druy ardelu kyfreithaul
arall oỽer eỽ testyon ena canys edyỽ e| den
hỽn en adef er en a dodet arnau. ac urth
henne nyt reyt prau arnau. llema e| lle
ne reguuadỽys er amdifenur er hen a do+
des er ha ur arnau. essef oet henne e| ỽot
ef en guyr priodaur ac na|s adeỽys enteu
namen e| ỽot en priodaur gent ac urth hen+
ne e| dewedun nyneỽ nat cubil adef henne
a dechreỽ o|r haulur muynhau e testion ac
o bydant safedic. deleu ranhu er amresson
a bey testey er haulur na guatpỽyt er hen
a| deỽat. ac erchy braut urth henne. nyt
| « p 61r | p 62r » |