NLW MS. Peniarth 35 – page 81v
Llyfr Iorwerth
81v
yr ieu. Ar pymhet yr geilwat. Ac yue+
lly y kerda yr erwi o oreu y oreu yr ychen
o hynny allan Eithyr na thorrir yr ieu y ryd+
unt hyt y diwethaf. Ac gỽedy hynny erỽ
y gwyd. A honno a| elwir kyueir cassnad.
A hynny un weith yn| y ulỽydyn. O der+
uyd udunt mynnu gwahanu gwedy
darffo y magyl ỽynt a|e gallant o myn+
nant wahanu Ony byd ammot y·rydunt
O deuyd* kayu dol ar ychen a marỽ un
o|r ychen. Pa adoet bynhac a|e dycco
iaỽn yỽ caffel y erỽ o·honaỽ. Ot amheu+
ir y perchennaỽc ry caffel cam y gantaỽ
ef. kreirher hyt na doeth y cam ef vrth
a honno a elwir erỽ yr ych du. ket gỽ+
nelher kyuar ac ych ac na del ef yr lla+
uur a chau dol arnaỽ ac nat ardo na
chylch na deu. Ny dyly caffel dim. O der+
uyd bot ychen claf a|e o uriỽ a|e o peth
arall; Jaỽn yỽ y perchennaỽc yr ych kyn+
hal penn yr ieu. O deruyd y dyn mynnu
gwerthu ych o|r kyuar ry| kyuarer yn+
taỽ; Ny dyly y werthu nay trafnidraỽ
yny darffo y kyuar. Ac os gwerth ket
boet un dyd kynn caffel y erỽ. Colli y erỽ
| « p 81r | p 82r » |