NLW MS. Peniarth 36A – page 19r
Llyfr Blegywryd
19r
a wnel velly am hyd brenhin a lather
yn| y tref. ny byd kerydus o bleit y brenhin
o gyfreith. helỽryaeth y brenhin hyt galan
gayaf y byd. Odyna hyt y naỽuetdyd. yr
kynydyon y byd. O galan gayaf hyt ỽyl
ieuan ny byd golỽython breinhaỽl yn hyd
brenhin. Odyna deudec golỽyth kyfreith ̷+
aỽl a vyd yn hyd brenhin. Tauaỽt. Tri
golỽyth or mynỽgyl. kymhibeu. Calon.
Deu lỽyn. Jar. Tumon. hydgyllen. her ̷+
ỽth. Auu. Y neb a dycco vn or rei hynny
heb ganhat y kynydyon. camlyryus
vyd. Drostunt oll or dygir teir punt a
telir. Or lledir hyd brenhin; dirỽy a telir
drostaỽ. Os kyllella neb heb y gudyaỽ.
kamlyryus vyd eithyr or mod rac·dywe+
dedic. Gỽerth hyd ych yỽ. Ewic buch tele+
diỽ a tal. Croen hyd; deudec keinhaỽc a
tal. Croen ewic; ỽyth geinhaỽc a tal. Gỽerth
hyd dof y| brenhin punt. Gỽerth pob llet+
uegyn brenhin neu vrenhines; punt.
Gỽerth pob lletuegyn breyr neu y wreic
neu y verch. wheugeint. Gỽerth lletuegyn
| « p 18v | p 19v » |