NLW MS. Peniarth 36B – page 70
Llyfr Blegywryd
70
ac ny chyll camlỽrỽ kanyt oes camgỽyn kylus yghyfreith eithyr tri Or eil neu or
trydyd y kyll amdiffynnỽr cam ̷+
lỽrỽ a diuỽyn yr haỽl or a perthy+
no ỽrth y geir y tystỽyt oe wall.
Tri theruyn haỽl yssyd. gỽadu
neu profi. neu lyssu tyston. Tri
pheth ny chyghein ygyfreith; praỽf
ar weithret eithyr tri. a gỽat dros
waessaf. a chof gỽedy braỽt. Tri
gỽeithret yssyd ar praỽf. llafur
kyfreithaỽl neu agkyfreithaỽl ar
tir megys torri ffin neu wneu ̷+
thur ffin. neu lafur arall. a gỽeith ̷+
ret llỽdyn yn llad y llall yg|gỽyd
bugeil trefgord. Tystolyaeth y bu ̷+
geil yn ỽybydyat a seif am hynny.
tystolyaeth gỽybydyeit a seif am
tir heuyt. a gỽeithret kyt·leidyr
lleidyr a groccer am letrat. Tysto ̷+
lyaeth hỽnnỽ ar gytleidyr a seif
| « p 69 | p 71 » |