NLW MS. Peniarth 45 – page 157
Brut y Brenhinoedd
157
pendragon yn keissaỽ dial angheu eu tat
arnat. Ac ỽrth hynny keis le y ffo os gelly
Canys auory y deuant y traeth totneis
y tir ynys. prydein. wynt a gochant ỽynebu* y sa+
esson oc eu gwaet. Ac gỽedy bo lladedic hen+
gist y coronheir emreis wledic. Ef a hedy+
cha y gỽladoed. Ac a atnewydha yr eglỽys+
seu. Ac o|r diwed ac gwenỽyn y lledir. Ac y+
n|y ol ynteu y coronheir uthur pendragon
y uraỽt. Ac a|gwenỽyn y bredychir ynteu
kymeint a hynny uyd brat dy saesson di a
rei hynny baed kernyỽ a|e llỽnc. Sef oed
hỽnnỽ arthur. A phan doeth y dyd dranoeth
y doeth emreis wledic ac uthur pendragon
a|deng mil o uarchogyon aruaỽc gantunt yr tir.
A phan glywysspỽyt hynny yn honneit
ymgynnull a wnaeth y bryttanneit o
bob le ynyd oedynt wasgaredic a dyuot yn
toruooed gan lewenyd o clybot dyuot eu
kyỽdaỽtwyr attadunt. Ac gỽedy dyuot pa+
ỽb ygyt o|r yscolheigyon ar lleygyon kysse+
gru emreis a wnaethant yn urenhin a gỽr+
hau a gwedu idaỽ. Ac ual yd paỽb yn annoc
mynet am penn y saesson y mynnỽys y bren+
hin yn gyntaf cael gortheyrn a mynet yỽ
keissaỽ. Canys kymeint oed y lit achos y
| « p 156 | p 158 » |