NLW MS. Peniarth 46 – page 235
Brut y Brenhinoedd
235
diffynn tref eu tat. ~ ~ ~
A C yna y|dyuynnỽyt holl seiri
mein. a rei prenn. ynys. prydein. ac em+
reis ỽledic. a gỽedy eu dyuot
yno yd erchit udunt o|e holl gyỽrein+
rỽyd dechymygu gỽneuthur gỽeith an+
rydedus uch penn y gỽyrda hynny hyt
dydbraỽt. a gỽedy pallu eu hethrylith
y|baỽp o·nadunt. ac na ỽydynt pa ỽne ̷+
ynt. y dyỽat tramor archescob caerllion.
ỽrth y brenhin ual hynn. arglỽyd hep
ef. ossit neb a|allo dechymygu y|ryỽ
ỽeith a dyỽedy di. myrdin uard gỽrthe+
yrn a|e digaỽn o|e ethrylith ef. Canyt
oes y|th teyrnnas di dyn uỽy y ỽybot
no hỽnnỽ. o|e ymadraỽd a|e ỽeithret.
ac ỽrth hynny arch y|dyuynnu attat
hyt pann uo o|e ethrylith ef y cỽplaer
y gỽeithret hỽnnỽ. ac yna yd anuo ̷ ̷+
net y|geissaỽ myrdin y|dỽyn at y|brenhin.
pa le bynnac y keffit. a gỽedy crỽy+
| « p 234 | p 236 » |