NLW MS. Peniarth 46 – page 9
Brut y Brenhinoedd
9
ac ỽrth hynny y|mae brutus yn mene+
gi idaỽ bot ynn well gantunt hỽy car+
trefuu a phressỽylaỽ yn|y diffeith. ac
ymborth mal aniueileit ar gic am ̷+
rỽt. a llysseueu gann rydit. noc yn|y
kyfanhed gann wledeu. a melyster ydan
geithiỽet. ac os codi goruchelder dy ve+
dyant di a|ỽna hynny. na dot yn|y her+
byn. namyn mae vdunt. kanys any+
an a|dylyet yỽ y|baỽp o|bop ford ymho+
elut ar y hen teilygdaỽt a|e rydit. ac
ỽrth hynny yd archỽn ni dy drugared
di hyt pann gennhetych di vdunt ỽy
pressỽylaỽ yn|y coedyd y|foassant vdunt.
gann rydit. neu titheu ellỽg ỽynt y|ỽla+
doed y|byt y|geissaỽ pressỽyluot hep gei+
thiỽet arnadunt.
A |gỽedy gỽelet o pandrasus y llythyr
hỽnnỽ a|e darllein ger y vronn.
galỽ a oruc attaỽ y|gyghorỽyr. a sef a
gaỽssant yn eu kyghor lluydaỽ yn|y
| « p 8 | p 10 » |