NLW MS. Peniarth 47 part i – page 5
Ystoria Dared
5
venelaus ry|dỽyn elen y|dreis mynet a|or+
uc ef gyt a nestor o|pilus hyt yn sparta.
at agamemmnon y|vraỽt. ac anuon a|or+
uc ef at ỽyr argos y|erchi vdunt ỽy dy+
uot ataỽ ef. ~ ~ ~ ~ ~
Y G|kyfrỽg y|petheu hynny y|doeth
alexandyr at priaf y|dat ac yspeil uaỽr
gantaỽ. a|menegi a|oruc idaỽ ef cỽbyl
o|e chỽedyl. a|llaỽenhau a|oruc priaf. a|gobe+
ithaỽ y|telit o|r achos hỽnnỽ esionia y|chỽa+
er y·daỽ dracheuen. ac y|gỽneit yaỽn y|r
troyanusson am a|dugessit y|arnunt.
a didanhau a|oruc elen a|oed yn trist. a|e
rodi yn ỽreic y alexandyr y|uap. a|phann
ỽelas kassandra elen dechreu deỽinaỽ a|or+
uc. a|dyuot kof idi yr hynn a|racdyỽedas+
sei kynn·o hynny. a|llidyaỽ a|oruc priaf. ac
erchi y|charcharu. a gỽedy dyuot aga ̷ ̷+
memnon y spartam didanhau y|vraỽt a
oruc ef. ac ef a|rygaỽd bod idaỽ anuon
ar hyt hoell roec y gynnullaỽ y|groegus+.
son ygyt. ac y|baratoi ryuel yn erbyn
| « p 4 | p 6 » |