NLW MS. Peniarth 9 – page 48r
Ystoria Carolo Magno: Can Rolant
48r
marsli rodi cussan idaỽ ac erchi dangos y
drezỽr idaỽ. a rodi atteb idaỽ val hyn. An+
osparthus yỽ y kyghor a gerdo yn amyl+
der ymadrodyon ony byd diwed teruyne+
dic arnaỽ o weithret. Ac ỽrth hyny ỽryanc
da bit dy lauur di a|th ynni y adaỽ rolond
yn ol charlymayn. ac an llauur ninheu ac
yn ynni vyd ymlad ac euo yn ỽraỽl. py le
bynhac y caffom ni euo yn dywyssaỽc yn
ol clarlymayn* A hyn a dywedaf|i ar vy y+
madraỽd mi a|y kadyrnhaaf o|m llỽ y llad+
af ni* rolond onym lledir i yn|y blayn. Bit
val y dywedy heb y gỽenwlyd a minheu a bar+
af adaỽ rolond y ỽrth charlymayn. A gỽedy
yd adaỽher cỽpleỽch y chwitheu ych edewit
arnaỽ ef. Ac yna yd erchis marsli dỽyn
attadunt llyuyr mahumet yr hỽn yd oyd
dedyf y paganyeit yndaỽ. y dan yr oliwyd+
en ir ar warthaf taryan eureit y dodet y
llyuyr ac ym·aruoll y hỽnnỽ o varsli a|y wyr+
da am agheu rolond val y hedeỽssynt. Ac
ar hyny y gelwis maldabrỽn gỽryanc da
o|r paganyeit ar wenwlyd a rodi cledyf id+
aỽ a dỽrn eur oll idaỽ a|dywedut ỽrthaỽ
val hyn. myn y cledyf hỽn heb ef yr hỽn
nyt ayth ar ystlys cledyf well noc ef mi+
ui a ym·rỽymaf ygkedymdeithas a|thy+
di ỽryanc bonedic anrydedus. Ac ymla+
yn dim vn peth a archaf vinheu itti raclydu
| « p 47v | p 48v » |