BL Additional MS. 19,709 – page 17r
Brut y Brenhinoedd
17r
yny goches y|toneu gan y gvaet. ac ẏr hyny hyt hediỽ
y gelwir y ỻe hỽnnỽ ỻam y kavr. ~ ~ ~ ~ ~ ~ ~
A c yna gỽedẏ rannu o vrutus y|teyrnas y·rỽg y|wyr yn+
teu y hedrychvys ynteu y ỻe y bei teilỽg gantaỽ y
adeilat dinas yndaỽ. ac y|doeth hyt ar lan a·von temẏs
ac yno y|kauas ỻe a vu adas gantaỽ ỽrth adeilat. ac yno
yd adeilỽys dinas ac y gelwis ef troea|newyd a|r enỽ hỽnỽ
a barhaỽys arnaỽ hyt yn oes ỻud mab beli braỽt y gas+
waỻaỽn vab beli y gỽr y gỽr a ymladỽys ac ulkesar amher+
aỽdyr rufein. a gvedẏ kaffel o|lud y vrenhinyaeth y kadarn+
haỽys ynteu y dinas o geyryd a|thyroed anrydedus ac y|gel+
wis o|e enỽ e|hun kaer lud. ac o|r achaỽs hvnỽ y bu teruysc
y·rygtaỽ a nynyav y vraỽt am geissaỽ diffodi env troea.
oc eu gvlat a chanẏs traethvys gildas o hẏnẏ yn ỻỽyr
y|peideis inheu rac hacrau o|m tlaỽt ethrylithẏr y* yma+
draỽd gỽr mor huaỽdyl kyfrỽẏs a|hỽnnv
A gỽedy daruot y vrutus adeilat y|dinas megys y|dywet+
pỽyt vchot gossot kywydaỽr* a|oruc yndav a rodi kyf+
reitheu a|breinheu udunt drvy y rei y geỻynt buched+
ocau drvy hedvch a|thagnefed. ac yn yr amser hỽnỽ yd oed
eli offeirat ymmlaen pobyl yr israel yg gvlat iudea. ac
yd oed arch|ystafen yg|keithiwet y gan y|philystewydẏon
ac yd oedynt yn gỽledychu tro meibon ector. gvedy ry
dihol meibon antenor o·heni ymdeith; ac yn yr eidal yd
oed siluius. eneas yn drydyd brenhin gvedy eneas ewythyr
y vrutus bravt y dat ~ ~ ~ ~
A c yna gỽedy kyweirav pop peth ar hyt yr ynys yn
dagnefedus ac adeilat y gaer a|r dinas kysgu a|wnaeth
| « p 16v | p 17v » |