NLW MS. 24029 (Boston 5) – page 118
Llyfr Blegywryd
118
yn y hegwedi a wheugeint ẏnn|ẏ chowẏll. A|p+
edeir ar hugeint ẏnn|ẏ gobẏr. Os gỽe ̷+
dy y seith mlyned ẏ|gat ef hi; bit rann
deu hanher yrẏdunt. onnẏt breint
a dyrẏ ragor ẏ|r gỽr. Deuparth y plant
a daỽ ẏ|r gỽr. ẏr hẏnaf. a|r ieuaf a r
trayan ẏ|r vam. Os agheu a|e gwahan
bit rann deu hanner ẏrẏdunt o pob
peth Sarhaet gỽreic ỽrẏaỽc. herỽẏd br+
eint ẏ|gỽr ẏ|telir idi. nẏt amgen herỽ+
yd breint ẏ gỽr ẏ|rother idaỽ. Gwr a|e+
ill yn rẏd; gadu ẏ|wreic ẏn rẏd. O|r gw+
na hitheu ẏr gỽr arall ẏn|honeit. ny ch+
eiff hi dim o|e iaỽn. eithẏr ẏ|tri pheth ny
dygir rac gwreic. A|r gorderch a|tal ẏ|sa+
rhaet y r gwr kyfreithaỽl. O|R dẏỽeit
gwreic eir gewilẏdẏus ỽr+
th y gwr talet y r gwr teir bu camlỽrỽ. ka+
nys y harglwyd yw neu trawet hi a gwyalen kyhyt a e gupyt tri dyrnawt lle y mynho eithyr y pen O r maed gwr y wreic heb achaws talet y sarhaet idi herwyd y breint O r edeu gwreic wely y gwr heb achaws talet idaw teir bu camlwrw kyn y chy+
| « p 117 | p 119 » |