NLW MS. 24029 (Boston 5) – page 176
Llyfr Blegywryd
176
odas ẏn|gẏhoedaỽc. ac anudonẏl kẏhoed+
aỽc. ac a|dẏcco cam·tẏstolẏaeth dan ẏ|ỽ*+
bot idaỽ. a|mab hẏt yn oet pedeir blỽẏd
ar|dec. A gỽr a|gẏttẏo a|gỽr arall. neu ac
anẏueil. Ac a|dẏcco da kẏssegẏr. neu da
arall o gẏssegẏr. A|bradỽr arglỽẏd. neu
a|ladho ẏ|tat. ac ẏnvẏt canhỽẏnaỽl.
neu ruthraỽc. Ac a lẏccro iaỽn vath.
neu a|wnel cam vath. Ac a|rodho cam
vraỽt dan ẏ wẏbot idaỽ.
A Oes vn lle ẏ|dẏlẏho ẏ|tat talu
galanas ac nẏ|s dẏlẏho ẏ|vab.
Oes. Gorchaf a|dẏlẏ talu ga+
lanas ac nẏ|s dẏlẏ ẏ vab. ~ ~ ~ ~
A oes vn mab a|uo reit ẏ|w+
adu. neu ẏ|gymryt heb ẏ dỽẏn. Oes.
mab gỽreic vut. Kannẏ eill hi ẏ|dỽẏn
ẏnn|y bẏỽẏt o|e|t*. A|e genedẏl yn|dẏ+
wedut ẏ|hanuot ef ohonunt. ac ẏ+
na ẏ|mae rẏd ẏ gẏmrẏt. neu ẏ wadu
heb ẏ|dỽẏn. Pỽẏ|bẏnnac a|holo trỽẏ
gẏnewit; holet trỽẏ vach. A|holo da tr+
ỽy amot; holet trỽẏ amodỽẏr. A|holo
da trỽẏ edewit. holet trỽẏ vri duỽ.
A|holo da trỽẏ venffic. neu adneu. neu
| « p 175 | p 177 » |