NLW MS. 24029 (Boston 5) – page 30
Llyfr Blegywryd
30
ch ẏỽ punt. wheugeint. Ẏ|chowẏll ẏỽ; w+
heugeint a|phunt. Ẏ|heguedi ẏỽ; teir punt.
Ebediỽ bard teulu ẏỽ; punt. Rann gỽr a|ge+
iff. mab mal pob teuluỽr. A|channẏs penkerd a
dechreu pob kerd; ẏn nessaf ẏ|r penteulu ẏ
dẏlẏ eisted. O|r pan el ẏ|brenhin ẏ|r neuad.
hẏt pan paỽb o|e|letẏ; nẏ|dẏlẏ ẏ drẏssaỽr
mẏnet ẏ|ỽrth ẏ|drỽs mỽẏ no hẏt ẏ|vreich
a|e wialen. Ac o|cheffir ẏn bellach no hẏn+
nẏ; a|e sarhau. nẏ diwẏgir dim idaỽ. Llest+
ẏr a|uẏd idaỽ ẏnn|ẏ neuad ẏ|dodi ẏ|wira+
ỽt. Distein. a|r gỽallouẏeit oll ẏgẏt
ac ef. ẏnn|ẏ teir gỽẏl arbennic a|ofuỽẏ+
ant ẏ|drẏssaỽr. o|dodi gỽiraỽt ẏnn|ẏ lest+
ẏr. o|r kẏrrn. a|r|meileu. Ef a geiff corne+
it ẏ|gan ẏ|brenhin. Ac arall ẏ|gan ẏ|vren ̷+
hines. A|r trẏdẏd ẏ|gan ẏ|penguastraỽt.
o wiraỽt ẏr ebestẏl pan rother. Crỽẏn ẏ
gỽarthec a|lather ẏnn|ẏ gegin. ef a|e kei ̷+
dỽ. hẏt pan ranher. A|cheinnaỽc a|geiff
ẏnteu o|bop croen. O|r|llud ẏ|porthaỽr. neỽ
ẏ|drẏssaỽr neuad. vn o|r sỽẏdogẏon. ẏ|ỽr ̷+
th
| « p 29 | p 31 » |