Breudwd Welsh Prose 1300-1425
Cymraeg

BL Cotton Titus MS. D IX – page 78v

Llyfr Blegywryd

78v

deugeint. O|R noethir gayafty; trayann
y werth a|telir drostaỽ. Kynnhayafty o|r
byd tỽll taradyr yndaỽ. pedeir ar|hugeint
a|tal Ony byd. deudec keinnaỽc kyureith. FForch kynnhayafty neu hafty.
keinnaỽc kyureith. 
P Ob yscubaỽr a|dylyir y|gadu  ̷ ̷
yn agoret y|vynet gỽynt yn+
dunt hyt wyl yr holseint. ac
o|r daỽ ysgrybyl idi a|llygru yr
yt. talet eu perchenn eu llỽgyr. Gỽedy
gỽyl yr holseint onny byd bangor yn|tri
lle ar|y cant. a|r|drysseu yn gayat. ny|th+
elir yr yt o|r llygrir. 
Y Scubaỽr brenhin; wheugeint a|t  ̷+
al. Yscubaỽr breyr; trivgeint a|tal.
Yscubaỽr bilaein; dec ar|hugeint.
uarth. a|thalgell. a|chreu moch. a|ffa+
lt deueit. dec ar|hugeint a|tal pob vn.
Mein melin. pedeir ar|hugeint. Melin.
wheugeint a|tal. namyn damtỽg a|v+
yd am|y|petheu o|e myỽn. BReccan bren+
hin. wheugeint a|tal. BReccan breyr;
trivgeint a|tal. Y o·bennyd. vgeint. Bỽ+
yell lydan. pedeir keinnaỽc kyureith.
Bỽyell gynnut. dỽy geinnaỽc kyureith.
LLaỽ vỽyell. keinnaỽc kyureith. Peir