BL Cotton Titus MS. D IX – page 82v
Llyfr Blegywryd
82v
hedỽch. Pỽy|bynnac a|ebryuycco yr amsser
hỽnnỽ y|ymỽystlaỽ. na|r braỽdỽr. na|r dadle+
uỽr. ny dichaun vyth wedy hynny ymỽy ̷ ̷+
stlaỽ herỽyd kyureith. na|r braỽdỽr gyt
a|e|vraỽt. na|r dadleuỽr yn erbynn y|vraỽt
onny byd braỽt tremyc. Pỽy|bynnac|ny
wyppo aruer kyureith. ny dichaỽn arue+
ru o gyureith. Teir gossodedigaeth her+
ỽyd hyssyd; herỽyd hyỽel da. y gupplav
y|gyureith. a|e aruer yn berffeith hyt
na aller eu caplu. o eisseu. neu o ormoder.
neu o|beth annheilỽg. kyntaf yỽ; o|r kyff*+
elyonn kyffelyp varnn a|rodir. Eil yỽ;
o dỽy gyureith erbyn yn erbyn yn|yscri+
venedic yr dosparth vn peth. Yr vn a|uo te+
ilygafch no|r llall. honno a|gynnhelir.
Tryded yỽ; pob ryỽ gyureith ysgriuene+
dic ar|ny bo gỽrthỽyneb idi ynn|ysgriue+
nedic a|dylyir y|chadỽ. hyt pan gyuunont
y|penndeuic a|e wlat y|dileu honno gan
ossot arall a|uo teilygach yn|y lle. d Ody+
na pan ymỽystlont yr amdiffynnỽr a|r|b+
raỽdỽr o|bop parth yn erbynn braỽt.
Os y|braỽdỽr a|dichaỽn dangos y|vra+
ỽt ef yg|kyureith yscriuenedic. neu y
chyffelyp. megys na|allo yr amdyffyn+
| « p 82r | p 83r » |