Cardiff MS. 1.362 (Hafod 1) – page 16r
Brut y Brenhinoedd
16r
a phorth odyno y gan suardus vrenhin ffre+
inc. Ac ymlad a phorrex y vraỽt. Ac yna y
llas fferuex ar gynnulleiua* a doeth gantaỽ. A
gỽedy gỽybot o|e vam ry|lad y mab. Sef a|wna+
eth hitheu keisa* llad y mab byỽ. yn n y mab
marỽ. A gỽedy y gaffel yn kyscu o·honei; yd aeth
hi a|e morynyon a|e lad. Ac yna y rannỽyt yr
ynys yn pump ran trỽy undeb y gỽyrda.
AC ym pen yspeit. y kyuodes guas ieuanc clot+
vaỽr. Sef oed y enỽ dyfnaỽl moel mut. mab
clydno teỽyssaỽc kernyỽ. A gỽedy marỽ cly a
chaffel o dyfnaỽl y gyuoeth. Ryuelu a uc ar
pimer vrenyn lleger. A gỽedy llad pimer y du+
unassant yn|y erbyn. Nidyaỽc vrenhin kymry.
Ac stater vrenhin y gogled. A dechreu llosci ky+
uoeth dyfnaỽl a|e anreithaỽ. A dyuot a oruc dyf+
naỽ a|deg mil o wyr aruaỽr* gantaỽ yn eu herbyn.
a rodi kat ar vaes vdunt. A gỽedy gỽelet o dyf+
naỽl hỽyret yd oed yn kaffel y uudugolyaeth.
Dỽyn attaỽ ath o|r guyr deỽraf idaỽ a
oruc. A gỽiscaỽ ymdanunt arueu y gỽyr llade+
dic oc eu gelynyon. A cherdet trỽy eu gelynyon
yn rith kedymdeithon udunt hyt yn lle yd oed
nydyaỽc. ac stater. Ac ym perued eu bedinoed
eu llad. Ac yna y diodysant yr arueu|hyny
rac ouyn eu guyr e hun. ac ỽynt yn arueu y ge+
lynyon. Ac y elut ar y gelynyon A
chafael y uudugolyaeth. A goresgyn yr ynys
a oruc dyfnaỽl a|e dỽyn ar y hen teilygaỽl*
| « p 15v | p 16v » |