Cardiff MS. 1.362 (Hafod 1) – page 36v
Brut y Brenhinoedd
36v
vrỽydyr y·rydunt. Ac y goruu eutaf. Ac val yd oedynt
yn vriwedic ladedic y wyr yd aeth tryhayarn. yn|y
logeu ar ffo. Ac yna trỽy voraỽl hynt yd aeth hyt
yr alban. a dechreu anreithaỽ y gỽladoed a|e llosci a llad
y bileinlu. A gỽedy dyuot y chỽedyl hỽnnỽ attaỽ.
kynullaỽ llu a oruc eutaf a mynet yn|y erbyn hyt
yr alban. Ac yn|y wlat a elwir westmarlont. roi
brỽydyr y tryhayarn. ac eissoes kilyaỽ o|r vrỽydyr
honno a|wnaeth eutaf heb vudugolyaaeth*. Sef a
wnaeth tryhayarn y ymlit ynteu o le y le hyt y
ynys prydein. a dỽyn y arnaỽ y dinassoed ar kes+
tyll. a choron y teyrnas. A gỽedy digyuoethi eu+
taf yd aeth ynteu hyt yn llychlyn. Ac eissoes
tra yttoed eutaf velly ar dehol. Sef a wnaeth a
da gan y getymdeith a|e gereint llafuryaỽ y geis+
saỽ diua tryhayrn. Sef a wnaeth iarll y kastell
kadarn. kans mỽy y|karei ef eutaf no neb mal yd
oed tryhayan diwarnaỽ* y dyuot o lundein. llechu
ar y ganuet y myỽn glyn koedaỽc ar y fford y deu+
ei trahayran. Ac yn|y lle hỽnnỽ ym plith y gytuar+
chogyon y llas tryhayarn. A gỽedy clywet o eu+
taf hynny dyuot a|wnaeth y ynys prydein a gỽascaru
y rufeinwyr a gwiscaỽ e|hun coron y teyrnas ac ar
vyrder ymgyuoethogi o eur ac aryant hyt nat
oed haỽd kaffel neb a vei arnaỽ y ofyn ac o hynny
allan y kynhelis eutaf ynys prydein hyt yr am+
ser y buant Grassian. a valaỽnt yn ymhrodron*
yn rufein. AC yg kylych* diwed oes eutaf ym
gyghor a|wnaeth a|e wyrda py|wed
| « p 36r | p 37r » |