Cardiff MS. 1.363 (Hafod 2) – page 121v
Brut y Brenhinoedd
121v
o|r tan goskymon ny gorffwyssaỽd hyt p+
an loskes e kastell a Gortheyrn endaỽ.
AG gwedy klybot o heyngyst ac o|r sa+
ysson ereyll y gyt ac ef hynny dyrỽa+
ỽr ofyn a dykyrchvs kanys molyant emre+
ys a|e clot en wastat oed arnadỽnt. kanys
hyt tra ydoed en terỽinev ffreync kymey+
nt oed y nerth a|e kedernyt a|e dewred a|e glo*+
wder ac nat oed er eyl gwr a lyvassey emk+
yvarỽot nac emlad ac ef. kanys pwy bynnac
a ymkyvarffey ac ef e neyll peth a vydey reyt
ydav a|e wurỽ y ar y varch yr llawr a|e enteỽ
torry y wayw yndaỽ. Ac y gyt a hynny heỽ+
yt hael am e da oed gwastat ac estyravl en dw+
ywavl wassanaeth oed. hygnaỽs em pob peth.
ac y ar pob peth gochel kelewyd* a gwnaey.
Dewr y ar troyt. dewrach y ar varch. a doeth
y lywyaw llw. A hyt tra edoed en gwaradryg+
aỽ en llydaỽ trwy er ryw kynnedỽeỽ ar kam+
peỽ hynny en wastat ed ehedey y clot enteỽ
tros enys prydeyn. Ac wrth hynny ofyn a ky+
myrassant e saysson a ffo en hollaỽl a gwna+
| « p 121r | p 122r » |