Cardiff MS. 1.363 (Hafod 2) – page 51r
Brut y Brenhinoedd
51r
deyn ker llaỽ y porth a elwyr ettwa yg kym+
raec o|y enw ef porth llwd. ac yn saysnec y
gelwir ef lwdys Gady. deỽ ỽap hagen a wu+
essynt ydaw. sef oedynt yr rey hynny. Aỽ+
arwy ỽap llỽd. a cheneỽan ỽap llỽd. Ar rey
hynny ỽrth nat oed oet arnadỽnt megys y
gellynt llywyaỽ y teyrnas y gwnaethpwyt
kassawallaỽn ỽap beli. y ỽraỽt ynteỽ yn ỽre+
nyn. Ac yn y|lle gwedy y ỽrdaỽ ef o coron y te+
yrnas. ef a kymyrth yndaỽ haelder a daeoni.
a chlot a molyant yn kymeynt ac yny ydoed y cl+
ot ef yn ehedec tros y gwladoed ar teyrnassoed
ym pell y ỽrthaỽ. Ac o·dyna gwedy damwen+
nyaỽ ydaỽ ef yn kỽbyl llywodraeth yr holl
teyrnas ac nyt o|y neyeynt. Eyssyos kaswa+
llaỽn a ymrodes y warder|ac ny mynnỽs bot
y neyeynt yn dirrann o|r teyrnas namyn rody
ỽdỽnt a orỽc ran ỽaỽr o|r kyỽoeth. Ac ysef a
rodes y aỽarwy ỽap llỽd kaer lỽndeyn. a yar+
llaeth swyd geynt. Ac y teneỽan yr rodes y+
arllaeth kernyw. ac|ynteỽ e|hỽnan yn pennadỽr
| « p 50v | p 51v » |