Cardiff MS. 1.363 (Hafod 2) – page 64r
Brut y Brenhinoedd
64r
yna o kyghor y wyrda y peydyaỽd Gweyryd
ar ymladeỽ a bot wrth Gloew kessar. kanys
wynt a dywedynt nat oed waradwyd ydaỽ ef
darestwng y wyr rỽueyn pan ỽey yr holl ỽyt
yn gwedỽ ỽdỽnt. ac yn talỽ teyrnget ỽdỽnt.
Ac o achavs y petheỽ hynny a llawer o achwy+
sson ereyll arafhaỽ a orỽc Gweyryd a bot ỽr+
th kyghor y wyrda ac vfydhaỽ yr amhera+
ỽdyr. Ac yn dyannot anỽon kennadeỽ hyt
yn rỽueyn a orỽc ef yn ol y ỽerch. a|thrwy
kannwrthwy Gweyryd e goreskynnỽs Gl+
oew kessar ynyssed orc ar kyt·ynyssed ereyll
AC gwedy llythraỽ y gayaf [ yn y chylch
heybyav y kennadeỽ a ymchwellassa+
nt o|r rvueyn ar ỽorwyn kanthỽnt. ac wynt
a|e rodassant o|y tat. Ac y sef oed enw y ỽorw+
yn honno Genylles a chyn teket oed ac|yd
oed anryỽed kan paỽb o|r a gweley y phryt.
Ac gwedy darỽot yr rody yn wreyc pwys
y weyryd kymeynt y karaỽd Gweyryd hy
ac yny oed mwy kanthaỽ y serch hy a|e cha+
ryat noget holl pressenhaỽl da ac alaỽoed
o|r a welhey a|e lygeyt. Ac wrth hynny y|lle kyn+
| « p 63v | p 64v » |