Cardiff MS. 1.363 (Hafod 2) – page 67r
Brut y Brenhinoedd
67r
yavnder a tagnheỽed y kyfreytheỽ yn adwyn tros
yr holl teyrnas a dywyllyỽs.
AC gwedy eylenwy ohonaw ef y holl wuched
ef coel y ỽap ef a kymyrth llywodraeth
y teyrnas. A hỽnnỽ yr yn ỽap a ỽegessyt yn rỽ+
ueyn ac yno y dyscassey ef moes a deỽodeỽ gwyr
rỽueyn a chymeynt oed y kytemdeythas a|e ka+
ryat ar·nadỽnt a chyt galley ef attael eỽ tey+
rnget racdỽnt y hellyghey o|e ỽod ỽdỽnt. ka+
nys ef a weley yr holl ỽyt yn darystyghedyc ỽdỽ+
nt. Ac ỽrth hynny yd ellyghey ynteỽ vdỽnt eỽ del+
yet. Ac nyt oed ym plyth brenhyned y dayar gwr
well a anrydei* y bonhedygyon ar dyledogyon
noc oed koel. kanys paỽb onadỽnt a adei yn eỽ he+
dỽch ac y gyt a|hynny llawer o rodyon a rodey ỽdỽnt.
AC gwedy hynny ỽn map a anet ydaỽ. ac ysef
oed enw hỽnnỽ lles ỽap koel. Ac gwedy ma+
rỽ y tat a chymryt ohonaỽ ynteỽ coron y teyrnas
holl weythredoed da y tat a eỽelychỽs ef eỽ gwne+
vthvr. megys y dywedyt y|mae ef oed koel. Ac ody+
na ef a vynnỽs keyssyaỽ gwneỽ·thỽr y dywed yn
well noe dechreỽ. ac wrth hynny kennadeỽ a ellyn+
| « p 66v | p 67v » |