Breudwd Welsh Prose 1300-1425
Cymraeg

BL Harley MS. 958 – page 17r

Llyfr Blegywryd

17r

ẏstalỽẏn tra geisso kessic gỽẏned. A baed
tra vo ỻodigrỽẏd ar ẏ|moch ẏ bo arnunt.
nẏ diwẏgant a wnelhỽẏnt ẏna. Tri ỻẏ+
dẏn nẏt oes werth kẏfreith arnunt. knẏỽ hỽch.
A betheiat. A|charlỽng. Tri gwaet digẏfre+
ith yssẏd. gwaet|o pen crach. A gỽaet deint.
A gwaet trỽẏn onẏt trỽẏ lit ẏ|goỻẏgir.
Tri than digẏfreith a dotto dẏn ẏn|ẏ dir
e|hunan ẏssẏd; tan godeith o|hanher maỽrth
hẏt hanher ebriỻ. A|than odẏn trefgord. A
than geueil trefgord. a vo naỽ kam ẏ ỽrth
ẏ dref. a tho banadẏl neu tẏwarch arnei.
Tri edẏn ẏ|dẏlẏ ẏ brenhin eu gỽerth pẏ
tu bẏnhac ẏ ỻather. Hebaỽc. A gwalch.
A|chẏcuran. perchennaỽc ẏ tẏr ẏ ỻather
arnaỽ a dẏlẏ dec a deugeint ẏ gan ẏ neb
a|e ỻatho. Tri phrẏf ẏ dẏlẏ ẏ brenhin
eu gỽerth pẏ tu bẏnhac ẏ ỻather. ỻostlẏ+
dan. A beleu. A charlỽnc. kanẏs o·honunt
ẏ gỽneir amaerỽẏeu ẏ diỻat ẏ brenhin.
Tri pheth nẏ at kẏfreith eu damdỽg.
blaỽt. A gỽenẏn. Ac arẏant bath. kanẏs
kẏffelip a geffir udunt. Tri phren ẏssẏd
ryd eu ỻath ẏn forest brenhin. pren crib
eglỽẏs. A phren peleidẏr a wnelher reit
ẏ brenhin o·honunt. A phren elor.