Oxford Jesus College MS. 119 (The Book of the Anchorite of Llanddewi Brefi) – page 51v
Ystoria Lucidar
51v
a|e duc ỽynt y leỽenyd ef. A|e ymadnebyd yr e+
neidev yno. Eneityeu y|rei gỽiryonn a|adna+
bydant yr holl rei gỽiryonn o enỽ. a chenedl.
Ac ev gobrỽyon megys pei bydynt eiroet y+
gyt. Ac wynt a adnabydant eneiteu y|rei drỽc
yn gymeint. Ac y|gỽddant py achos y|mae pa+
ỽp onadunt yno. a|rei drỽc a|atwaynant y|rei
drỽc. Ac a|wdant enweu y|rei gwynnvydedic
val y|gỽybu y kyuoethaỽc enweu euream a
lazar. A|wediant ỽy yr eneitev dros y karant.
Y rei gỽiryon a|weddiant dros y|rei a|garassant
yn|yr arglỽyd. neu dros y|rei a|alỽei arnunt o|e
diffryt rac drỽc. Ac o|e rydhau o brouedigaeth
y|byt. Ac o|e hemendaỽ od|ydynt yg|kyfueilornn
megys y|delynt o|e kytymeithas ar hynt.
Pa|delỽ y|gỽediant yỽ. Eu damunet yỽ y|gỽedi
kannys beth|bynnac a|damunont ỽy a|e caffant
yn diannot. A|e gỽedi wyntev yỽ presentyaỽ y
grist poennev y|corff. neu y|da a|wnnaethant yr+
daỽ. Ac eissoes ny wediant ỽy dim onnyt a
gennattaho duỽ vdunt. Ac o|gỽediynt yn am+
gen ouer vydei vdunt. A|ytdynt ỽy yn|y kyf+
ulaỽn lewenyd. Nac ydynt. namyn megys
dynyon a|wahodit y|wled a|uydant laỽen.
pann delont am eu derbyn goualus. am y ket+
| « p 51r | p 52r » |