Oxford Jesus College MS. 119 (The Book of the Anchorite of Llanddewi Brefi) – page 87v
Ymborth yr Enaid
87v
gaeth. o|r perwrychyon melyster a deueint o|wane+
gyat y|gỽefussev. Ac o van dagreu y|llygeit a syr+
thyeint yn|y kalonneu yn kyfulewni y|safỽyr
vlas. Ac o|r ysprydaỽl anadylwehynnyat yn kyf+
lewni yr arogleu. Ac o|dynerder yr ysprydaỽl|gna+
ỽt kymeredic o|r yspryt glan a|ganedic o veir
Wyry yn kyfuleỽni y|pymet synnỽyr kyffredin
yr korff oll. Sef yỽ hỽnnỽ kyflad neu gyhỽrd.
Ac nyt ryued y|greaỽdyr y|pymtp*|synnỽyr eu kyf+
leỽni o|e radeu ef. Ac yna y|syrthyaỽd y|braỽt ger
y|vronn yr euruab yn|y|varỽleỽyc o|dra annỽylserch
garyat ar y|dỽyỽaỽl|uab hỽnnỽ. a|e gyuodi yn
drugaraỽc a|e goruc yr adỽynvab a|dyỽedut vrth+
aỽ. kyuot a|char vi bellach yn gymeint ac y|gell+
ych vỽyhaf. Och arglỽyd heb y|braỽt. nyt oes di+
olch ym yr dy|garu kannys nyt oes neb o|r|a|th|ỽe+
lei ar nyth garei. Oes heb ef. kannys nyt amdan+
gossỽn yt onyt yr vyg|karu ohonat. Ac ny|chery
di vi·vi yn gymeint ac y|karaf|i di. Ac etỽa ny|we+
leisti vi yn gỽbyl. A|phann ym gỽelych ti am kery
yn amgen ystyr. A|manac yr|prydydyon y|rodeis i
vdunt gyfurann o|yspryt vy|nigrifuỽch i y|mae
yaỽnnach vdunt ymchỽelut yr yspryt hỽnnỽ ym
diỽyll i noc y|ganmol ynvytserch gorỽagyonn
bethev tranghedigyon yn amsseraỽl.
| « p 87r | p 88r » |