Oxford Jesus College MS. 119 (The Book of the Anchorite of Llanddewi Brefi) – page 96r
Buchedd Dewi
96r
heb ef yn kyuodi o|hodnant ac yn kylchynu llaỽer
o|dinassoed. Y gỽr heb ef a|gynneuaỽd y|tan hỽnnỽ.
y|veddyant ef a gerdha fford y kerdaỽd y|mỽc. heb y
ỽreic yr ỽyt yn ynvyt. kyuot y|vynyd heb hi a|chy+
mer dy ỽeisson ygyt a|thi. A llad y|neb a gynneuaỽd
y|tan hỽnnỽ ar|dy dir heb dy gannyat. Ac yna y do+
eth boya a|e ysgiỽereit ygyt ac ef ar vedỽl llad de+
ỽi a|e disgyblon. A|phann doethant tu ar lle yd oed
deỽi. y|dygỽydassant yn|y kryt hyt na ellynt ỽy
ỽneuthur dim drỽc yn|y|byt y|deỽi. nac y|disgyblon.
onyt eu gỽattỽar. A|dyỽedut geireu tremygedic
yn|y kyueir. Ac ymhoelut adref. Ac val y|bydynt
velle. nachaf ỽreic boya yn kyuaruot ac ỽynt ac
yn|dyỽedut. Yn bugelyd ny a|dyỽessant ymi ry|varỽ
yn holl ysgrybyl ni. nyt amgen. an gỽarthec an
ychen an greoed. an|deueit. ac eu bot oll yn|veirỽ
ac eu llygeit yn agoret. Ac yna kỽynnvan ac vdaỽ
a griduan a oruc boya a|e ỽreic a|e dylỽyth. A|dyỽe+
dut. Y sant hoyỽ y buam ni yn y ỽattỽar a|ỽnaeth hynn.
Sef y caỽssant hỽy yn|y kyngor gỽediaỽ y sant. a|ch+
eissaỽ y vod ef a|e dylỽyth. Ac yna y rodes boya yn
dragyỽydaỽl hodnant y|deỽi. Ac ymhoelut adref
a|oruc boya a|e dylỽyth ygyt ac ef. A phann deu+
thant adref ỽynt a|gaỽssant y hanyueileit yn vyỽ
ac yn yach. Ac yna y|dyỽat gỽreic boya vrth y llaỽ+
| « p 95v | p 96v » |