Oxford Jesus College MS. 57 – page 240
Llyfr Blegywryd
240
Ac* yna rodi atteb. ac yn|yr eil naỽuettyd. kyfreith.
Pỽy|bynnac y barner idaỽ datannud o|e dy+
uot a|e vỽrn ac a|e veich. ae ef ae dat kynnoc
ef yn kyuanhedu aelỽyt ar y tir. ef a|dyly bot
yno yn atteb* teirnos a|thri·dieu. ac yna rodi
atteb. ac ym|pen y naỽuettyd. kyfreith. a|r|datannud
hỽnnỽ ny dylyir y varnu y neb. ony byd rod
ac ystyn y gan yr arglỽyd gynt idaỽ ar y|tir.
Pỽy bynnac ynteu a|vynno holi tir o ach ac et+
ryt. yd henyỽ o·honaỽ. ac ot ydiỽ ef yno yn
betwaregỽr. priodaỽr yỽ. kanys yn bedware+
gỽr yd a dyn yn priodaỽr. ac nyt ueỻy y dis ̷+
gyn dyn o priodolder yn aỻtut. kanys y gyfreith.
a|dyweit. o deruyd y dyn bot yng|gỽlat araỻ
ae o achaỽs dehol. ae o achaỽs galanas. ae o
angheneu ereiỻ mal na aỻo ef caffel yn bryt+
uerth. Y gyfreith. a|dyweit na diffyc y briodolder
ef hyt y naỽ·uettyn pa amser bynnac y|del
y o·vyn. ac ony byd ereiỻ ar y|tir gỽedy eu|dis+
gynnu yn briodoryon. dylyu ohonaỽ o|r a|edeỽ+
is. ac o|r byd ereiỻ yn briodoryon yn|y erbyn.
| « p 239 | p 241 » |